Леонид Слуцкий құрама ойыншылары, Аршавин туралы

[caption id="attachment_48793" align="aligncenter" width="674"] ras.kz[/caption] Футболдан Ресей құрамасының бас жаттықтырушысы Леонид Слуцкий құрама ойыншыларының алкогольді пайдаланулары жайында сөз етіп, Андрей Аршавинді қорғап шықты. Ресейдің rusfootball.info ақпарына сілтеме жасаған ras.kz маманның қазір Алматының «Қайратында» ойнап жүрген шабуылшы жөнінде өте жақсы пікірде екенін жазады. «Құрамнан шығарып тастау үшін ойыншы не жасаған болуы тиіс? Мен тіпті білмеймін. Берілген тапсырмаға құлақ аспауы, шектен шыққан бір тірлікке ұрынуы керек шығар. Мен тіпті оны көзге елестете де алмаймын. Ойыншы арақ ішіп алса ше? Бұл енді мүмкін емес нәрсе. Мен кәсіби деңгейдегілермен жұмыс жасаймын ғой», – деді Слуцкий. «Андрей Аршавин барда отырса ма? Сіз оның сонда болғанын қайдан білесіз? Аршавин ғаламат жетістіктерге жетті. Ол екі мыңыншы жылдықтағы үздік орыс футболшысы. Аңызға бергісіз алып-қашпа әңгімелердің не керегі бар?», – деді Ресей құрамасының бас бапкері «Матч ТВ» телеарнасы тілшісіне берген сұхбатында. Талғат РАЙЫМБЕК.