ҚР Бас прокурорының орынбасары Марат Ахметжанов көлеңкелі экономика саласындағы қылмыстарға жауапкершілікті қатаңдатуды ұсынды, деп хабарлайды ҚазАқпарат.
«Экономикалық қызмет саласындағы көлеңкелі экономика белгілері бар қылмыстық заңбұзушылықтар саласындағы заңнамада жемқорлық, лаңкестік және экстремистік қылмыстар ұқсастығы бойынша нормаларды жасақтау қажет», - деді ол бүгін ҚР Парламенті Сенатында экономикалық қылмыстарды алдын алуға қатысты өткен дөңгелек үстелде.
Оның сөзінше, көлеңкелі экономика саласында жауапкершіліктің арттырылуы өзге экономикалық заңбұзушылықтардың құрамын ізгілендіруге жол ашады.
«Бұл, өз кезегінде, бизнес-климатты жақсарту және кәсіпкерлерге салынатын қысымды азайту мақсатында Мемлекет басшысының экономика саласындағы заңбұзушылықтарды ізгілендіру жөніндегі тапсырмасын орындауға септігін тигізеді», - деді Ахметжанов.
Осыған байланысты ол, көлеңкелі экономикамен байланысты қылмыстық құрамдарды жеке бөліп, оларға жауапкершілікті қатаңдатуды ұсынды.
Соңғы жаңалықтар
Ақтөбе облысында екі бала терезеден құлап кетті
Төтенше жағдай • Бүгін, 01:26
Атырау облысыда Сағыз ауылындағы атыстан 3 адам жарақат алды
Қылмыс • Бүгін, 00:52
Қостанай облысында 1 мың шақырымнан астам жол жөнделеді
Құрылыс • Бүгін, 00:15
«Қиял әлемі» көзден ғайып болды
Шымкент • Кеше
Баянауылда туристік маусым ашылады
Туризм • Кеше
