ҚР Үкіметінде урбанизацияны дамыту мәселелері талқыланды

Бүгін Үкімет Үйінде ҚР Премьер-Министрі Бақытжан Сағынтаев экономика мәселелері жөніндегі Сараптамалық кеңестің кезекті отырысын өткізді, деп хабарлады primeminister.kz. Отырыс барысында мемлекеттік өңірлік саясатты дамыту мәселелері талқыланды. Сараптамалық кеңес мүшелері республикадағы ағымдағы жағдайға алдын ала талдау жүргізді және аталған мәселе бойынша бірқатар ұсыныстар жасалды. Талқылау қорытындысы бойынша Б. Сағынтаев сәйкес мемлекеттік органдарға сарапшылармен бірге ұсынылған ұсыныстарға терең зерттеу жүргізуді және келесі отырысқа келісілген позицияларды енгізуді тапсырды. Еске салсақ, экономика мәселелері жөніндегі Сараптамалық кеңес ҚР Премьер-Министрінің Өкімімен құрылған және оның бірінші отырысы 2016 жылғы 9 желтоқсанда өтті.