Америкадағы ең биік бөгет апат алдында тұр (видео)

Америкадағы ең биік бөгет апат алдында тұр, 200 мың адам қауіпсіз аймаққа көшірілуде, деп хабарлайды tengrinews.kz Калифорния штаты Оровилл көліндегі бөгет өткен ғасырдың 60-жылдары салынған. Оның биіктігі 230 метрді құрайды, ал ондағы судың мөлшері шамамен – 4,3 млрд куб. Толассыз жауған жауынның әсерінен бөгеттің негізгі бөлігіне зақым келген, содан кейін қосалқы дамбалар да мүжілген. Жергілікті билік өкілдерінің айтуынша, бөгеттің бұзылуы су тасқынына алып келіп, жақын маңда орналасқан Оровилл, Гридли, Биггс, Юба-Сити, Лома Рика, Лайв Ок, Мэрисвилл, Уитленд және тағы басқа қалаларды су басып қалу қаупі туындауы мүмкін. Қазіргі уақытта апаттың алдын алу үшін Оровилл көлінің деңгейін төмендетіп жатыр, су қашыртқысының деңгейін 2,8 мың куб метрге дейін түсірген.