Мәдина Думан "Қытай дауысы" жобасында Димаш Құдайбергеннің "Ұмытылмас күн" әнін айтқан еді.
"Бүгін біздің қарындасымыз Мәдина Думанның әдемі дауысын естідім. "Қытай дауысы" жобасының тәлімгері Ли Цзянь мырзаға менің әнімді таңдағаны үшін алғыс айтқым келеді. I am singer жобасында ауырып қалғаным есіңізде шығар, маэстро Ли. Жобаға қатысушы ретінде сіз маған сирек кездесетін дәрі-дәрмектерді әкеліп, менің тезірек жазылуымды қалап едіңіз", дейді Димаш.
Сондай-ақ Димаш Мәдинаға алдағы жарыстарда сәттілік тілеп, жүрекжарды лебізін жеткізді.
"Мәдинаға менің әнімді тамылжыта орындағаны үшін шын жүректен алғыс айтқым келеді. Бұл әнді қалаған жерде айтыңыз. Мұндай әнді сен сияқты керемет әншінің орындауы мен үшін үлкен бақыт. Мәдинаға сәттілік тілеймін. Сенің атақты болатындығыңа сенемін", дейді ол.
