ЕР ЕСІМІ ЕЛОРДА ТӨРІНДЕ ТҰРСА...

Ұлы Отан соғысына қатыс­қан қазақ халқының ержүрек ұлдары тарихта өшпестей із қалдырып, ұр­паққа үлгі етер­ліктей ерлік көрсетті. Соның бірі басқа ерліктерімен қатар, Берлин қаласындағы Рейхс­тагқа ту тіккен Рақымжан Қошқар­баев болатын. Бірақ қитұрқы саясаттың кесірінен бұл батыр ұзақ уақыт елеусіз аталып келді. Елба­сымыз осы олқылықты ескеріп, Р. Қошқарбаевқа  Ха­лық Қаһарманы атағын бер­генде соғыс ардагерлері де, ха­лық та бір көтеріліп қалған  еді. Ендігі кезекте ерлерімізді ұлықтап, тарихтағы әділетті орнын белгілеу, олардың асыл қасиеті – туған еліне, жеріне деген сүйіс­пеншілігін, Отанын жанқиярлық сезіммен қорғауын дәріптеп, жас­тардың ұлттық сана-сезімін оятуға жағдай жасау міндеті тұр. Сол себепті батырдың туған жері Астана қаласының маңы болғандықтан және Ұлы Жеңістің 65 жылды­ғына орай сұрапыл соғыста жаудың жауып тұрған оғына қарамай, Рейхстагқа бірінші болып ту тіккен батыр атамыз­дың  құрметіне бірқатар нақты іс-шаралар жүзеге асқаны жөн деп есептеймін. Атап айтқанда, Астана қа­ласы­ның бір басты көшесіне батыр атауын берсе, батыр мұ­раларына арнап мұражай ашыл­са, ескерткіші орнатылса, елдік парызымыздың орындалғаны болар еді. Осы мәселе бойынша Астана қаласының соғыс және еңбек ардагерлерінің атынан хат келіп түсті. Бұл шаралардың еліміздің әлемдік тарихқа қосқан үлесін белгілеп, қоғамымыздың әрі қарай дамуына, келешек ұрпақ­тың елге адал, патриоттық се­зім­де өзіне сенімді әрі батыл болып өсуіне көп септігін ти­гізері сөзсіз. Аталған ұсыныс­тарды Мәжілістің бір топ депутаты Наталья Геллерт, Петр Дмитриенко, Сансызбай Есілов, Аманжол Жазин, Егор Каппель қолдап отыр. Жексенбай ДҮЙСЕБАЕВ, Парламент Мәжілісінің депутаты.