Аймақтар • 09 Сәуір, 2021

Семейде тұрғын үйде өрт шығып, бір адам қайтыс болды

220 рет

көрсетілді

1 мин

оқу үшін

ШҚО Төтенше жағдайлар департаменті баспасөз қызметінің мәліметіне сүйенсек, 8 сәуірде сағат 20.00 шамасында Деповская көшесіндегі жер үйде өрт шыққан. Оқиға орнына өрт сөндірушілер шұғыл келіп жетті, деп хабарлайды Egemen.kz

Айым ДӘУІТ

Семейде тұрғын үйде өрт шығып, бір адам қайтыс болды

«Қызыл жалын үй шатырының ағаш құрылымдарын, терезе мен есікті шарпыған. Тілсіз жаудың жалпы аумағы 100 шаршы метрді құрады. Өрт сөндіру барысында құтқарушылар бөлме ішінен үй иесінің денесін тапты», деп хабарлады ведомство өкілдері.

Жанып жатқан үйден сыйымдылығы 27 литрлік 1 газ баллоны сыртқа шығарылған. Тергеу барысында өрттің шығуына темекі шегу кезіндегі абайсыздық себеп болған.