Қырғызстан үкіметінің баспасөз қызметі 1 желтоқсаннан бастап елге кірген кезде вакцинация мәртебесіне қарамастан коронавирусқа теріс ПТР-тест болуы керек деп хабарлайды. Ереже шетелдіктерге де, қырғызстандықтарға да қатысты.
Қырғызстан Республикасының Денсаулық сақтау министрлігі тізімдерді ҰҚК Шекара қызметіне беру үшін «омикронмен» жұқтыру ошақтары анықталатын елдердегі эпидемиологиялық ахуалды қадағалайтын болады.
«Мұндай елдердің азаматтарына Қырғыз Республикасының аумағына кіруге тыйым салынады», деп жазады Қырғыз Республикасының Үкіметі.
Бұл жаңа штаммның Қырғызстанға әкелінуіне және одан әрі таралуына жол бермеу үшін жасалатыны айтылды.
Министрліктерге «омикронға» байланысты эпидемиологиялық ахуал шиеленіскен жағдайда толық әзірлікте болу тапсырылды.
