Дамудың даңғыл жолы

Соңғы уақытта жер-дүниеде орын алып жатқан оқиғаларға зер сала қарасақ, әлемдік қауымдастықтың халықаралық қатынастардағы шиеленістің күшеюіне алаңдап отырғанын аңдаймыз. Десе де, жоғары деңгейде өтетін кездесулер мен онда қабылданатын маңызды шешімдер кез келген дағдарыстан шығудың жолы міндетті түрде табылатынын көрсетеді. 1992 жылы Елбасы Нұрсұлтан На­зарбаев келешекте Азия-Тынық мұ­хиты аймағының маңызы артатынын айт­қан болатын. Ол сол кездің өзінде Азия­дағы өзара іс-қимыл және сенім ша­ралары ұйымын құру туралы бастама көтерген еді. Ұлт көшбасшысының терең стратегиялық және көреген болжа­мы аталған үдерістердің бүгінде нақ­ты нәтижелермен беки түскенінен көрінеді. Бүгінгі таңда дамудың дұрыс әрі даңғыл жолы – интеграция. Инте­гра­циялық байланыстар жаһандық дең­гейде ғана емес, өңірлік орталықтар аясында да шоғырлана алады. Қазақстан – интеграциялық үдерістердің бастамашысына айналған мемлекет. Еліміздің бұл тараптағы жобаларына басқа елдер де қолдау білдіріп келеді. Бұл ретте Президентіміздің G-Global туралы ұсынысының айрықша маңыздылығын айтуға болады. Әр өңір еліміздің дамуы мен қауіпсіздігін қамтамасыз етуге өз үлесін қоса алады. Ішкі тұрақтылыққа жету тәжірибесі бізге қордаланған мәселелер туралы айтуды ғана емес, оның түйіні мен шешімін көрсетуге де құқық береді. Бүкіл әлем дағдарысқа шырмалып жатқан кезде, еліміз алдына үлкен мақсаттар мен міндеттер қойып, оған жетуге, биік үдеден табылуға қадам басып отыр. Оны әр кезде құптау керек. Бүгінде Қазақстан жаһандық мәселелердің түйінін тарқатуға, экономиканы жаңғырту арқылы өнеркәсіптің барлық саласын жандандыруға, инновациялық технологияны енгізуге күш салып жатыр. Осынау аз уақыт ішінде Қазақ­стан халықаралық қауым­дастықта өзінің орнын айшықтаған мемлекетке айналды. Қазіргі кезде Қазақстанның ұста­нымымен, пікірімен барлық жұрт санасады. Бұл біздің жинаған тәжі­­рибеміздің бағаланатынын және әрдайым маңызды екенін аңғарт­са керек. Елбасы таңдаған әрі қалып­тас­­тырған Даму стратегиясы халықты дұрыс бағытқа бастап бара жатқанын көрсетеді. Лидия СТОЛЯРОВА, Д.Серікбаев атындағы Шығыс Қазақстан мемлекеттік техникалық университетінің профессоры. ӨСКЕМЕН.