Полицияға 6 граната әкелді

Тұрғындардан тіркел­­­меген қару мен оқ жарақ­­тарын қабылдау бойынша республикалық акция Жамбыл облысында жалғасын табуда. Тараздың 28 жасар тұрғыны полицияға өз үйінің гаражындағы ескі заттар арасынан, шамасы қолдан жасалынған әскери гранаталар болуы мүмкін, тұтандырғыштары бөлек жатқан 6 граната тауып алғанын хабарлаған. Сөйтіп, гаражын ретке келтіремін деп шешкен жас жігіт бү­тіндей әскери арсенал са­лынған қапшыққа тап болыпты. Осыдан бірнеше жыл бұрын әкесінің қайтыс бол­ған досының өтініші бойын­ша осы қапшық басқа да заттармен бірге гараж­ға әкелінген екен. Оның арасында жарылғыш заттардың болуы туралы жас жігіт ешбір күдіктеніп те көрмепті, ал қазір болған оқиға жөнінде бірден полицияға хабарлаған. Төтенше оқиға орнына ҰҚҚБ қызмет­­­­керлері, ІІД «Арлан» арнайы мақсат­тағы бөлініс, Тараз қаласы ІІБ 3-ПБ кри­ми­на­листері мен анық­таушылары шұғыл рет­те жетті. Табылған «олжа» РГД-5 әс­ке­ри гранаталары де­­ген алдын ала болжам айтыл­ды. Айта кетейік, қару мен ату жарақтарын өз ер­кімен өткізген тұл­­ға­лар қыл­мыстық жауап­кер­ші­ліктен босатылады. Сәбит МАМЫТБЕКОВ, Тараз қаласы ІІБ 3-ПБ бастығы, полиция полковнигі.