Оқиға • 29 Маусым, 2023

Ақтөбеде скутер тізгіндеген бала апатқа ұшырады

660 рет

көрсетілді

1 мин

оқу үшін

Ақтөбе көшелерінің бірінде жеңіл көлік пен скутер соқтығысты. Жол апаты салдарынан кәмелетке толмаған бала көз жұмды, деп хабарлайды Egemen.kz.

Айтолған ЖҮНІСХАН

Ақтөбеде скутер тізгіндеген бала апатқа ұшырады

Рolisia.kz таратқан ақпаратқа сәйкес, Ақтөбе қаласында Әбілқайыр хан даңғылының бойында Нұр-Ғасыр мешітіне қарама-қарсы жерде ВАЗ-21103 автокөлігі мен скутер соқтығысқан. Скутерді кәмелетке толмаған бала басқарғаны белгілі болды.

Жол апаты салдарынан скутерді тізгіндеген 17 жастағы жасөспірім Ақтөбе қаласының Балалар ауруханасына жеткізіліп, бірнеше сағаттан кейін жансақтау бөлімшесінде қайтыс болды. Скутердің жолаушысы 19 жастағы жігіт ауруханаға жатқызылды.

ҚР ҚК 345-бабы 3-бөлігі бойынша сотқа дейінгі тергеу басталды.