Президент • 04 Сәуір, 2024

Президент су тасқынымен күресіп жатқан еріктілермен кездесті

80 рет
көрсетілді
1 мин
оқу үшін

Мемлекет басшысы Қасым-Жомарт Тоқаев Батыс Қазақстан облысына жұмыс сапары барысында су тасқынына қарсы белсенді шараларға қатысып жатқан еріктілер мен құтқарушылар тобымен кездесті, деп хабарлайды Egemen.kz.

Президент су тасқынымен күресіп жатқан еріктілермен кездесті

Фото: Ақорда баспасөз қызметі

Қасым-Жомарт Тоқаев Батыс Қазақстан облысына жұмыс сапары кезінде ішкі істер органдары, Төтенше жағдайлар департаменті, Ұлттық ұлан қызметкерлерінен құралған құтқарушылар тобымен және су тасқынына қарсы шараларға белсенді қатысып жатқан еріктілермен жүздесті.

Кездесу барысында Президент табиғи апатпен күреске атсалысқан барлық азаматқа ризашылығын білдіріп, олар бүкіл еліміз үшін өте маңызды, игі іс атқарып жүргенін атап өтті.

«Көп ұзамай бұл жұмыстар да аяқталады. Қиындықты қалай да еңсереміз. Осында еңбек етіп жүрген құтқарушылар, полицейлер, еріктілер лайықты деңгейде марапатталады. Бұл міндетті түрде  менің бақылауымда болады», деді Қасым-Жомарт Тоқаев.