Құтқарушы • 08 Сәуір, 2024

Ұлытаулық ТЖД қызметкерлері Солтүстік Қазақстан облысына аттанды

162 рет
көрсетілді
1 мин
оқу үшін

Ұлытау аймағында су тасқынының беті қайтты, жағдай тұрақты, қауіп жоқ. Еліміздің басқа өңірлеріндегі ахуал сабасына түспек түгілі, өршіп кетуі де мүмкін. Солтүстік өңірлерде қар негізінен енді ғана ери бастады, деп хабарлайды Egemen.kz.

Ұлытаулық ТЖД қызметкерлері Солтүстік Қазақстан облысына аттанды

 

Ұлытау облыстық Төтенше жағдайлар жөніндегі департаментінің құтқару тобы  Солтүстік Қазақстан облысына көмекке аттанды.

«Топ құрамында 33 адам, 4 техника, 5 су сорғыш, 1 электоргенератор, 3 резеңке қайық бар. Қысылтаяң кезде бір-бірімізге қол көмегін созу қызметіміз ғана емес, азаматтық парызымыз», дейді облыстық Төтенше жағдайлар жөніндегі департамент бастығының орынбасары, топ жетекшісі  Ш.Самиев.

Теріскейге аттанған құтқарушыларға сәттілік серік болсын!

 

Ұлытау облысы