Сенат • 13 Сәуір, 2024

Сенаторлардың өңірлердегі тасқынға қарсы күресі жалғасын тапты

63 рет
көрсетілді
2 мин
оқу үшін

Сенатор Сағындық Лұқпанов Атырау облысындағы Махамбет ауданында екінші толқынмен келуі ықтимал тасқын суға дайындық барысымен танысты. Депутат сапар барысында аудан орталығындағы бөгет салу аймағында болып, әскери қызметшілермен және еріктілермен әңгімелесіп, көрсеткен көмектері үшін оларға алғысын білдірді, деп хабарлайды Egemen.kz Сенаттың баспасөз қызметіне сілтеме жасап.

Сенаторлардың өңірлердегі тасқынға қарсы күресі жалғасын тапты

Фото: ҚР Парламенті Сенатының баспасөз қызметі

«Қазір ауданның барлық ауылдарында тасқын су зардабын болдырмау үшін дайындық жұмыстары күшейе түсті. Бөгет құрылысы қарқынды жүріп жатыр. Алайда, жергілікті атқарушы органдар ахуал одан әрі қиындап кетпеуі үшін аталған мәселеге көбірек назар аударуы тиіс», деді сенатор С.Лұқпанов.

Сенат

Сенат

Тасқын суға қарсы іс-қимыл Қарағанды облысында да жалғасын тапты. Депутат Серік Өтешев тасқын суға ұшыраған бірқатар аудандарды аралады. Су тасқыны салдарынан зардап шеккен үйлердің тұрғындарына көмек көрсету, аумақтарды абаттандыру, жарықтандыру, жолдарды жөндеу және газ жеткізу мәселелері халықпен кездесулерде талқылаудың басты тақырыбы болды.

«Қарағанды облысында ауқымды су басу қаупі зор болды. Су одан әрі кеткендіктен айтарлықтай тасқын су болған жоқ. Судың келуінен зардап шеккен тұрғындар қажетті барлық заттармен қамтамасыз етілуі тиіс. Мемлекет басшысы жақында сөйлеген сөзінде зардап шеккен барлық азаматтарға көмек көрсетілетінін атап өтті. Бұған Үкімет те, депутаттар да жәрдемдесетін болады», деді сенатор С.Өтешев.

Сенат депутаты Жанболат Жөргенбаев Алматы облысындағы Іле ауданында салынған су қоймасы бөгетін қалпына келтіру барысымен танысты. Бөгет бұзылған кезде тиісті шаралар қабылданғаны атап өтілді. Дегенмен, аталған мәселе қайтадан туындауы ықтимал. Өйткені, су бөгеті құрылысы 1910 жылы салынған және қазір қайта жаңғыртуды қажет етеді. Осы мәселені шешудің тетіктері, сондай-ақ елді мекендердегі су бұруды мұқият зерделеу және жүйелеуге байланысты мәселелер талқыланды.

«Қазіргі уақытта республикалық деңгейде шұғыл назар аударуды талап ететін бірқатар маңызды мәселелер бар. Сенаторлар өңірлерде болған кезде төтенше жағдайдың зардабымен күресте барынша көмек көрсетеді. Сенаторлар өз кезегінде болашақта мұндай төтенше жағдайдың алдын алу үшін заңнамалық деңгейде атсалысуға дайын», деді сенатор.

Соңғы жаңалықтар

Қаламгер һәм қайраткер

Қоғам • 25 Мамыр, 2024

Жеңіл табыс жерге қаратады

Қоғам • 25 Мамыр, 2024

Микроқаржы сергелдеңі

Қаржы • 25 Мамыр, 2024

Болмысы биік тұлға

Тағзым • 25 Мамыр, 2024

БАҚ пен тіл

Сұхбат • 25 Мамыр, 2024

Тасқын су толастамай тұр

Аймақтар • 25 Мамыр, 2024