Қоғам • 29 Сәуір, 2024

Қазақстанға жұмыртқа әкелуге уақытша тыйым салынды

85 рет
көрсетілді
1 мин
оқу үшін

24 сәуірден бастап елімізге тауық жұмыртқаларын әкелуге тыйым салынды. Шектеу 6 айға енгізілді, деп жазады Egemen.kz.

Қазақстанға жұмыртқа әкелуге уақытша тыйым салынды

Фото: Әлеуметтік желіден

Тыйым Қазақстан Республикасының аумағы арқылы тауық жұмыртқаларының транзитін, сондай-ақ олардың Еуразиялық экономикалық одаққа мүше бір мемлекеттің аумағынан Еуразиялық экономикалық одаққа мүше екінші мемлекеттің аумағына біздің ел аумағы арқылы өтуіне қатысты қолданылмайды.

Жұмыртқа импортына уақытша тыйым көктемгі-жазғы кезеңде отандық тауар өндірушілерді қолдау мақсатында енгізілді.

«Айта кету керек, осы кезеңдерде жұмыртқаға сұраныстың төмендеуі байқалады, нарықтың қажеттіліктері өнеркәсіптік өндіріс арқасында және үй шаруашылығы өнімдерінің нарықта белсенді болуымен толығымен жабылады. Бұл фактор құс фабрикаларының қызметіне теріс әсер етеді, жұмыртқа бағасы төмендейді. Бағаның өзіндік құннан төмен түсуі кәсіпорындардың рентабельділігіне теріс әсер етеді. Сондай-ақ осы кезеңде жұмыртқаны сақтау мерзімі қысқарады, бұл ретте технологиялық ерекшеліктерге байланысты жұмыртқа өндіру көлемі азаймайды», делінген ауыл шаруашылығы министрлігінің хабарламасында.

Бұйрық 1 мамырдан бастап күшіне енеді.