Оқиға • 07 Маусым, 2024

Жасөспірім төрт күннен бері табылмай жатыр

53 рет
көрсетілді
1 мин
оқу үшін

Полиция қызметкерлері, еріктілер, ТЖД қызметкерлері және басқа да ақтөбелік азаматтар 4 маусым күні кешкілік уақытта үйінен белгісіз бағытқа шығып кеткен 13 жастағы Жетіру Кәрімді іздестіріп жатыр. Баланы іздеуге 500-ге жуық адам жұмылдырылды. Кинологтер ізшіл иттерімен бала жоғалған «Заречный-1» тұрғын үй алабын, Елек және Қарғалы өзендерінің жағалауын түгел тексеріп шықты. Іздестіру шараларына 40 бірлік техника, екі қайық, ұшу аппараттары да пайдаланып жатыр. Алайда осы кезге дейін көрдім-білдім деген адам табылмады.

Жасөспірім төрт күннен бері табылмай жатыр

4 маусымда кешкілік Жетіру Кәрім қақпаны ашып, көше­ге шығып кеткен. Үйінде атасы мен әжесі болған. Жас­өс­пірімнің анасы перзентханада. Сол күні қатты нөсер құйып тұрғанда, оның көшеге шығып кеткенін үйдегі қарт кісілер байқамай қалыпты. Жасөспірім туабітті сырқат. Сол төңіректегі үйлердің шатырлары, кәріз құдықтары, қазулы шұңқырлар түгел тексерілгенімен, еш нәтиже жоқ. Бала жаңбыр жауып тұрғанда, өзен жағалап кетуі немесе тоғайдың арасына кіріп кетуі де мүмкін. Күннің күркіреуінен қорқып елсізге қарай кетіп, адасып жүре беруі, не ағаштың түбінде тығылып жатыр деген күдік бар. Еріктілер жасөспірім­нің фотосуретін алып, жол бойындағы тамақтану орындары, жанар-жағармай бекет­тері мен дүкендерге кіріп сұрастырса да, күн кешкіргенде кеткен баланы көрдім-білдім деген адам жоқ. Қазіргі кезде көшелер мен ғимараттардағы барлық бейнебақылау камералары тексеріліп жатыр.

 

Ақтөбе облысы

 

Соңғы жаңалықтар

Ер жігітке ерлік жарасады

Қоғам • Бүгін, 11:20

Аңызға бергісіз өмір

Еңбек • Бүгін, 11:10

Шеттің шаруақор әкімі

Аймақтар • Бүгін, 11:00

Қызмет жас буынды шыңдайды

Еңбек • Бүгін, 10:40

Жастарға – мол мүмкіндік

Жастар • Бүгін, 10:30