Қоғам • 25 Маусым, 2024

Қазақстанда жұмыс уақыты бір сағат ерте басталуы мүмкін

2173 рет
көрсетілді
1 мин
оқу үшін

Елімізде уақыт белдеуінің ауысуына байланысты жұмыс уақыты бір сағат ерте басталуы мүмкін, деп жазады Egemen.kz kaz.inform.kz-ке сілтеме жасап.

Қазақстанда жұмыс уақыты бір сағат ерте басталуы мүмкін

Фото: Zakon.kz

Бұл туралы Үкімет отырысынан кейін Еңбек және халықты әлеуметтік қорғау министрі Светлана Жақыпова айтты.

БАҚ өкілдері министрден: «Еліміздің бірқатар өңірінде уақыт белдеуінің ауысуына байланысты жұмыс уақытын бір сағатқа ерте бастауға қатысты ұсыныстар түсіп жатыр. Өйткені қыстыгүні қараңғы ерте түседі. Осы ұсынысқа қалай қарайсыз? Еңбек министрлігінің жоспары қандай?», деп сұрады.

«Министрлікке осы мәселеге қатысты хаттар түсіп жатыр, біз оларға жауап береміз. Жұмыс беруші мен жұмысшының арасында келісімшарт бар, жұмыс кестесін екі жақ бірге жасайды. Сондықтан қараңғыда жұмыс істемеу үшін жұмыс берушімен келісіп, жұмыс кестесін қайта қарауға болады. Негізі бұл күрделі сұрақ емес», деді Светлана Жақыпова.

Сондай-ақ ведомоство басшысы жеке және бюджеттік мекемелерге жұмысты бір сағат ерте бастау ұсынылғанын айтты.

«Ұсыныс бердік, яғни жұмыс бір сағатқа ерте басталуы мүмкін. Келісімшарт екіжақты жасалады. Ол Еңбек кодексінде жазылған, барлығы заңға сәйкес болуы керек», деді Еңбек және халықты әлеуметтік қорғау министрі.