Президент • 27 Маусым, 2024

Қасым-Жомарт Тоқаев қазақ дипломатиясының негізгі жетістігін атады

115 рет
көрсетілді
1 мин
оқу үшін

Бүгін Қасым-Жомарт Тоқаев отандық БАҚ саласы қызметкерлерімен жүздесіп, кәсіби мерекесімен құттықтады, деп жазады Egemen.kz.

Қасым-Жомарт Тоқаев қазақ дипломатиясының негізгі жетістігін атады

Фото: Ақорда

Президент өз сөзінде Қазақстанның сыртқы саясаттағы ұстанымына тоқталды.

«Сыртқы саясат мәселесіне келер болсақ, Қазақстан көпжақты ынтымақтастыққа бейіл. Сондай-ақ қазіргі халықаралық құқықтың негізі ретінде БҰҰ Жарғысының сақталуын табанды түрде жақтайды. Сыртқы саясатта біз ұлттық мүддені басты орынға қоямыз. Барлық даулы мәселені тиімді мәміле негізінде шешуді қолдаймыз.

Биыл Қазақстанда халықаралық шаралар көп өтеді. Келесі аптада Астанада Шанхай ынтымақтастық ұйымының саммиті болады. Мұны кейінгі бірнеше жыл ішіндегі жоғары деңгейде өтетін аса маңызды халықаралық форумдардың бірі десек, артық айтқандық емес. Саммитке дүниежүзі халқының жартысына жуығы тұратын мемлекеттердің басшылары, сондай-ақ ықпалды халықаралық ұйымдардың жетекшілері, соның ішінде БҰҰ Бас хатшысы қатысады. Мұндай ауқымды шараның өткізілуі еліміздің жаһандық аренадағы беделінің зор екенін көрсетеді.

Еліміз биыл ШЫҰ-дан басқа тағы бес халықаралық құрылымға төрағалық етіп отыр. Бұл – қазақ дипломатиясының тарихында бұрын-соңды болмаған жетістік», деді Қасым-Жомарт Тоқаев.