Фото: ашық дереккөз
Жуырда Жамбыл ауданында полиция қызметкерлері 12 бас жылқыны ұрлау туралы резонанстық істі ашты. Оқиға 8 қарашада Ақдала ауылында болған. Шаруа қожалығының иесі жалпы құны 10,6 млн теңгені құрайтын 12 бас жылқының ұрланғаны туралы арызданған. Полиция қылмыстық істі тіркеп, дереу іздеуге кірісті.
«Жедел-іздестіру іс-шаралары барысында күдікті ұсталды. Ол бұрын сотталған жергілікті тұрғын болып шықты. Жауап алу кезінде ол өзінің кінәсін толық мойындады. Ер адам уақытша ұстау изоляторына қамалды. Қазіргі уақытта оның басқа да осындай қылмыстарға қатысы бар-жоғы тексеріліп жатыр», деп хабарлайды аудандық полиция өкілдері.
Осыған ұқсас мал ұрлау оқиғалары Іле және Еңбекшіқазақ аудандарында тіркелді, онда барымташылар бір жылқы мен ірі қара малды ұрлап әкеткен. Криминалдық полиция қызметкерлерінің үйлесімді жұмысының арқасында күдіктілер ұсталды. Қылмыстық іс қозғалып, тергеу жүргізіліп жатыр.
Полиция мал иелеріне сақтық шараларын ұстану керектігін ескертеді. Малдың ұрлануына көбінесе иелерінің немқұрайды қарауы немесе иесіз қалдыруы себеп көрінеді. Тәртіп сақшылары азаматтарды қаскүнемдердің құрбаны болмас үшін малдарын қараусыз қалдырмауға шақырады.
Алматы облысы
