Жол-көлік оқиғасы «Бастау-Ақтау-Теміртау» республикалық тас жолының бойында Бұқар жырау ауданындағы Петровка ауылының маңында болған. №84 автобус Ботақара-Қарағанды бағытымен жүрген.
«Оқиға кезінде көлікте 17 жолаушы болған. Бақытымызға орай, олардың ешқайсысы зардап шеккен жоқ. Полиция қызметкерлері жолаушыларға қажетті барлық көмек көрсетіп жатыр», деп хабарлады Қарағанды облысы ПД баспасөз қызметі.
Айта кетейік, Қарағанды облысында дауылды ескерту жарияланған еді. Облыстың басым бөлігінде қарлы боран сақталады. Облыстық Төтенше жағдайлар департаменті тұрғындардан елді мекендерден тыс жерлерде жүрмеуді сұрады. Қазіргі уақытта облыста алты жол учаскесі жабық тұр.
