Сурет: ognialatau.kz
1979 жылы әлденеден уланған 26 жастағы жігіт 60 минуттық клиникалық өлімді бастан өткерген. Айтуға жеңіл болғанымен, бір сағат бойы тіршілік нышаны болмаған жанның қайта тірілуі – медицинаның қағидаларына қайшы құбылыс. Себебі ғалымдар жүрек тоқтағаннан кейін санаулы минут ішінде ми жасушалары өле бастайды дейді. Алайда бұл оқиға сол қалыптасқан ұғымды жоққа шығарған.
Өлімнен кейін қайта тірілген Яковтың өмірі түбегейлі өзгерді. Ең әуелі, ол ұйқыдан мүлде айырылды. Тек ұйықтай алмау ғана емес, тіпті жату мүмкін емес еді. Денесін төсекке тигізген сәтте белгісіз күш оны қайта көтеріп жіберетіндей әсер қалдыратын. Тылсым жайт тура 16 жыл бойы жалғасты. Кейіннен, 1995 жылы медитация мен йоганы серік етіп, белгілі бір деңгейде денесін басқара алатын халге жетті. Десе де, бұл да толыққанды ұйқы емес еді – күніне бар-жоғы 2-3 сағаттай ғана тынығатын. Циперовичтің тағы бір ерекшелігі – оның дене қызуы ешқашан 34°C-тан жоғары көтерілмейтін. Ғалымдар мұны қартаю үдерісінің тежелуі деп болжады. Бүгінде ол 72 жаста, бірақ болмысы 30 жастағы адамдай.
Осы уақытқа дейін қызық құбылыстың ақиқаты ашылған жоқ. Неміс һәм орыс медицинасы мұндай феноменге нақты түсініктеме бере алмай отыр.
