Фото: sknews.kz
Осы мақсатта компания мемлекеттік органдарға өтініш жолдауды жоспарлап отыр.
Өтініште қозғалыс қауіпсіздігін бұзуға, жол-көлік оқиғаларына, сондай-ақ белгіленбеген жерлерден темір жолдары арқылы өтуге, жол бойындағы жолақтарда мал жайғандарға әкімшілік-қылмыстық жауапкершілікті қатаңдату сұралады.
ҚТЖ мәліметінше, осы жылдың қаңтар-ақпанында темір жол өткелінде 4 жол-көлік оқиғасы болған.
«1 наурызда Атырау облысындағы Теңдік станциясының теміржол өткелінде жүк көлігі жүк пойызымен соқтығысты. Оқиғаға жүк көлігінің иесі себеп болғаны анықталды. Апат салдарынан локомотив бригадасының қызметкерлері зардап шегіп, локомотив пен 11 бос вагон рельстен шығып кетті», делінген компания хабарламасында.
Ал былтыр теміржол өткелдерінде 26 жол-көлік оқиғасы тіркелген.
