Еңбек және халықты әлеуметтік қорғау министрлігі Әлеуметтік қорғау саласын дамытудың ұлттық ғылыми орталығы былтыр халыққа көрсетілетін қызметтердің сапасын жақсарту мен көлемін арттыруда айтарлықтай жетістікке жеткен. Оның шінде сурдологиялық әдістердің саны және кохлеарлы импланттары бар балаларға көрсетілетін көмек көлемі өскен. 3D-технологияларды пайдалана отырып протездеу жетілдірілген. Мысалы, былтыр ұлттық ғылыми орталықта халықты сурдологиялық қабылдау 10%-ға, медициналық-техникалық комиссияның консультациясы 28%-ға артқан. Азаматтардың өтініштері көбейгеніне байланысты есту-сөйлеуді оңалтуға тартылған қызметкерлер штаты кеңейтілді. Жұмыстың осы бағытында 25 маман біліктілігін арттыру курсынан өтіпті.
Күндізгі және тәулік бойы бақылау жағдайында есту-сөйлеуді оңалту барысында кохлеарлық импланттаудан кейін балалармен жұмыс істеу үшін жаңа әдістемелік және білім бағдарламалары әзірленді. Елдің шалғай өңірлерінен кохлеарлық импланттары бар балаларға көмек көрсету деңгейі артқан. Соның ішінде Абай, Ұлытау облыстарының пациенттері де қосымша қамтылды. Осылайша, 17 өңірдегі осындай жәрдемге мұқтаж балаларға тиісті көмек көрсетіліпті.
Жалпы, Әлеуметтік қорғау саласын дамытудың ұлттық ғылыми орталығы пациенттерінің 80%-дан астамы көрсетілетін қызметтердің сапасына қанағаттанатынын айтты. Бұдан басқа, орталықта протездік-ортопедиялық салада инновациялық технологиялар енгізілген. 3D-технологияларды пайдалана отырып протездеудің технологиялық үдерістері жетілдірілген. Мемлекеттік тапсырыс аясында 248 протездік-ортопедиялық бұйым жасалса, оның 6-ауы инновациялық, 242-сі жаңа технологиялар арқылы іске асқан.
