Қазақстанның ерлер құрамасы (әлемдік рейтингте 25-орынды иеленіп отыр) Лондондағы командалық әлем чемпионатын сәтті бастады. Тұсаукесер кездесуде біздің жігіттер Түркияны (№58) тізе бүктірді – 3:1. Жерлестеріміздің арасынан Алан Құрманғалиев қана ұтылды. Кирилл Герасименко екі бәсекеде басымдық танытса, Айдос Кенжіғұловтың бір мәрте мерейі үстем болды.
Келесі ойында Мысырдың (№16) жігіттерін жолдан ығыстырдық – 3:2. Бұл жолы да Герасименко ерледі. Ол Омар Ассар мен Мұхаммед әл-Бейәлиді тізе бүктірді. Құрманғалиев бірде жеңіп, бірде жеңілді. Ескендір Харкидің Юсуф Әбделәзизге әлі жетпеді. Көп кешікпей Таиландты (№46) қапы қалдырдық – 3:1.
Үстел теннисі: Кирилл Герасименко ел чемпионатында үш алтын еншіледі
Қыздарымыз (№37) Бразилияға (№10) есе жіберді – 1:3. Зауреш Ақашева бір ойында жеңіске жетіп, екіншісінде жеңілді. Сарвиноз Мірқадырова мен Жәнерке Көшкімбаева қарсыластарына есе жіберді. Екінші кездесуде Моңғолияны (№73) еркін еңсердік – 3:0. Бұл бәсекеде Зәуреш Ақашева, Сарвиноз Мірқадырова және Әнал Бақыт қарсыластарына бас көтерткен жоқ. Үшінші бәсекеде Чехияға (№42) шаң қаптырдық.
