Табиғатты тазарту, экологиялық ахуалды жақсарту мақсатындағы игі бастамаға облыстың кәсіпкерлік және индустриялық-инновациялық даму, тұрғын үй-коммуналдық шаруашылық және абаттандыру басқармаларының қызметкерлері мен өңір кәсіпкерлері жұмыла атсалысты. Соның арқасында «Таза Қазақстан» экологиялық акциясы аясында облыстың бірқатар кәсіпорынның аумағында ауыз толтырып айтарлықтай жұмыстар атқарылды. Атап айтқанда, қала аумағында 1205 түп ағаш отырғызылып, 50 тонна қоқыс шығарылды. Алатау қаласында орналасқан «ПепсиКо» ЖШС 870 түп ағаш, Қонаев қаласындағы «Юнипак-Шымкент» ЖШС 30 түп ағаш отырғызды. Іс-шараға «Атамекен» өңірлік кәсіпкерлік палатасы да үлес қосты.
«Қала аумағына ағаш отырғызу – болашақ ұрпаққа жасыл әрі таза орта қалыптастырудың үлгісі. Бұл шара жергілікті тұрғындардың экологиялық сана-сезімін көтерумен қатар, жасыл желекпен көмкерілген қалаға деген сүйіспеншілікті арттыра түседі», дейді табиғат жанашырлары.
Алматы облысы
