Ауа райы болжамы: Қазақстанда тұман түсіп, нөсер жаңбыр жауады

"Қазгидромет" РМК мәліметінше, көп өңірде жаңбыр жауып, найзағай ойнайды, жел күшейіп, кей жерлерде бұршақ түсуі мүмкін.

Нөсер жаңбыр жауатын өңірлер:

27 сәуір – Батыс Қазақстан және Ақмола облыстары;

28 сәуір – Қостанай, Ақмола және Солтүстік Қазақстан облыстары.

Елдің батысында, шығысында және оңтүстік-шығысында тұман түсуі мүмкін.

Сонымен қатар 26 сәуірде түнде Абай облысында, ал 26-27 сәуірде Шығыс Қазақстан облысында температура -1…-3 °C дейін төмендеп, үсік жүреді деп болжанып отыр.