Дирижерлердің дәстүрлі басқосуы

Форумға қатысушыларды об­лыс­тық мәдениет басқар­ма­сының басшысы Құралбек Ата­мұ­ра­тов құттықтап, Тобыл өңірінде осы­мен сегізінші рет өтіп жатқан дәс­т­үрлі музыка мерекесі халықтар ара­­сындағы достық пен мәдени бай­­ланысты бекемдей түсетінін айтты.

«Биыл форум халқымыздың бір­туар композиторы, ұлт мақ­та­нышы Нұрғиса Тілендиевтің 100 жылдығына, сондай-ақ Қазақ­стан­ның еңбек сіңірген қайраткері, ел тәуелсіздігінің бастапқы кезең­де­рінде Қос­танайда тұңғыш рет қазақ оркестрін құрған, өңір мәде­ниетінің дамуына өлшеусіз еңбек сіңірген марқұм Назымбек Мол­дах­метовтің 55 жылдығына арналып отыр. Мұндай іс-шаралар жергілікті оркестрлер мен жас ди­ри­жерлердің халықаралық дең­­гейде өнер көрсетуіне де мүм­кін-дік береді», деді Қ.Атамұ­ратов.

Оркестрлер шеруі аясында Өз­бекстанның халық әртісі Фарух Садықов, опера әншісі Рустам Али­­­мар­данов, Қазақстанның еңбек сіңірген әртісі Жалғасбек Бе­ген­дік, Владимир Кочнев сынды дири­­жерлер сахнаға шығып өнер көр­сетті. Фарух Садықовтың айтуынша, мұн­дай форумдар халық­­аралық үлкен сахналардан көрініп жүрген белгілі дирижер­лер мен облыс дең­гейін­дегі оркестр­­лер­ді бас­қаратын жер­гілікті ди­ри­жер­лер­дің басын қо­сып, өзара тәж­і­рибе ал­ма­суға, ше­­бер­­­лік шыңдауға мүм­кін­дік береді.

«Мен осы жоба басталғалы бауыр­лас қазақ халқының ұлт­тық музы­касына деген шексіз құр­мет-ықы­ласымды арқалап Қостанайға жыл сайын келіп тұ­рамын. Өте жоға­ры деңгейде өтіп жатқан бүгінгі іс-шара әлемге әйгілі туындыларды, қазақ­тың классикалық музыкасын насихаттап, дәріптеумен қатар, ор­кестрлердің репертуарын байы­тады. Түптеп келгенде, ел мен елді бауырластырып, ынтымақ-бір­лігі­міз­ді нығайтады», дейді Өзбек­стан­ның халық әртісі.

ҚОСТАНАЙ