Миссия жетекшісімен кездесті

Сыртқы істер министрі Ерлан Ыдырысов ЕҚЫҰ Де­мократиялық институттар және адам құқықтары жөніндегі бюросының (ДИАҚБ) Қазақстан Республи­касының Президентінің кезектен тыс сайлауын байқау жөніндегі миссиясының жетекшісі Корнелия Йонкермен кездесті. Кездесу барысында Қазақ­стан сыртқы саясат мекемесінің басшысы миссияға атқарылған жұмысы үшін алғысын білді­ріп, сайлауды тиімді ұйымдас­тырғаны жөнінде ЕҚЫҰ/ДИАҚБ оң бағасын қолдады. К.Йонкер өз кезегінде ЕҚЫҰ/ДИАҚБ миссиясын шақыру мен оның Қазақстандағы жұмысына тәжірибелік тұрғыда ықпал жасағаны үшін алғысын жеткізді. Е.Ыдырысов атап өткендей, дауыс беру нәтижелері халықтың іс жүзінде Ұлт Көшбасшысын, оның тұрақтылық саясаты мен еліміздің біраз жылдарға жан-жақты әрі нық қадаммен дамуын қолдайтынын анық көрсетті. Министр К.Йонкерді жемісті жүзеге асырылып отырған адам капиталына инвестиция құю сая­сатымен, Қазақстандағы алдағы уақыттағы институттық рефор­малар мен жаңғырту жөнін­дегі ұлттық комиссияны құру үдерісімен, соның ішінде жоғары білікті үкімет құру, заң үстемдігін қамтамасыз ету, мемлекеттің есепті болуын арттыру және экономиканы әртараптандыру мәселелерімен таныстырды. Кездесу қорытындысы бойынша ЕҚЫҰ мен оның институттарымен дәстүрлі белсенді қарым-қатынасты әрі қарай нығайта беру туралы келісімге қол жеткізілді. «Егемен-ақпарат».