Бұл әлеуметтік маңызы зор екі нысанды салу жөніндегі меморандум Ақмола облысының әкімі Марат Ахметжановтың бастамасымен қала әкімдігі және «АК Алтыналмас» акционерлік қоғамы арасында жасалды. Компанияның басқарма төрағасы Баламир Маханов барлық жұмыстарды сапалы әрі уақтылы атқаруға дайын екенін жеткізді.
Екі нысанның жалпы құны – 22 миллиард теңге. Компания өкілдерінің айтуынша, 2027 жылғы 1 қыркүйекте Степногорск қаласының оқушылары жаңа мектеп табалдырығын аттайтын болады. Мектеп заманауи оқу кабинеттерімен, IT-орталықпен, спорт залымен, мультимедиялық аймақтармен жабдықталады. Спорт сарайының жобасы толық дайын. Жер телімі де бөлінген. Құрылыс жұмыстары алдағы күндері басталып, келесі жылы аяқталады деп межеленуде.
Ақмола облысы
