Аталған жарыста сербиялық Александра Круничпен бірге финалға дейін жеткен Анна Данилина үздік жұптардың тізімінде бірден сегіз сатыға жоғарлап, қазіргі кезде 9 орынды иеленуде. «Үлкен дуылға» санатындағы турнирдің шешуші сынында Крунич пен Данилина жұбы Италияның мықтылары – Сара Эррани мен Жасмин Паолиниден 4:6, 6:2, 1:6 есебімен ұтылды.
Францияның астанасындағы ерлердің бәскесінде үздік сегіз ойыншының қатарына қосылған Александр Бублик бұл жолы 19 бәсекелесін басып озып, 43 орынға жайғасты. Александр Шевченко ТОП-100-дікті түйіндеп тұр. Әйелдер арасындағы рейтингте Елена Рыбакина өзінің 11 орнын сақтап қалса, Юлия Путинцева 27 сатыға табан тіреді.
