Әріптестеріміз – абырой биігінде

Осындай сыйлықтың төресімен Журна­листер күні қар­саңындағы марапаттар тиегі ағытылды. Президент өз қо­лымен табыстаған дипломда бұл сыйлық Талғат Батырханға «Отандық журналистика­ны дамытуға қосқан үлесі үшін берілді» деп жазылған. Мем­лекет басшысының осы бағасы – қарымды қаламгердің ұлт бас­пасөзіндегі өнімді де өнегелі еңбек жолының ай­қын көрсеткіші. Көзі қа­рақты оқырман Талғат Ба­тыр­ханның есімі мен салмақты мақалаларына «Астана ақша­мы», «Айқын», «Egemen Qazaq­stan» басылымдары арқылы қанықты.

Сондай-ақ дәл осындай сый­лықты «Қазақ газет­тері» ЖШС-на қарасты «Казах­станская правда» газе­тінің бөлім мең­ге­рушісі Юлия Магер де ие­ленді. Осы күні Пре­зиденттің БАҚ сала­сын­дағы Алғысы серіктестік құ­рамындағы «Ana tili» газетінің ұжымына да берілді.

«Қазақ газеттері» ЖШС бас директорының орынбасары Қамбар Ахмет Президент Жарлығымен мемлекеттік награда – «Ерен еңбегі үшін» ме­далімен марапатталды. Ме­реке қар­са­ңында «Amanat» партия­сы да журналис­тер арасында өт­кізілетін дәстүр­лі рес­пуб­­­ли­калық «Amanat медиа» сый­лығының қоры­тын­­дысын шы­ғарып, түрлі ата­лым бойынша 11 же­ңім­пазды анықтады. Қамбар Ахмет осы байқау же­ңімпаз­дарының қатарынан табылды. Әріптесіміз «Заң мен тәртіп» – Конституцияның 30 жылдығына арналған үздік материал» аталымының иегері атанып отыр.

Сондай-ақ газетіміздің Ақ­­мола облысындағы мен­­шікті тілшісі Байқал Байәділ Журналистер ода­ғының ше­шімімен «Қазақ­станның құр­метті журналисі» атағына ие болды. Бұған қоса ол да «Ерен еңбегі үшін» медалімен марапатталды. Дәл осындай медальге Шығыс Қазақстан об­лысындағы меншікті тіл­шіміз Мерей Қайнарұлы да ие болды.

Ал газетіміздің интернет-редакциясының жетекшісі Динар Керім мем­лекеттік наградалардың бірі – «Ша­пағат» медалін иеленді.

Әріптестеріміз еліміздің заң шығарушы органы – Пар­ламенттің қос палатасы жа­риялаған байқауда да олжалы шықты. «Egemen Qa­zaqstan» газеті саясат және құқық бөлімінің аға тіл­­шісі Гүлнар Жолжан Се­нат ұйымдастырған «Пара­сат» байқауындағы ба­сылым­дық БАҚ-тағы үздік жарияла­ным­ның жеңімпазы атанса, осы бөлімнің тілшісі Зейін Ерғали «Үздік баспа жарияланымы үшін» аталымында Мә­жілістің «Парламент сөзі» сыйлығына ие болды.

Аға тілші Ескендір Зұл­қарнай Журна­листер одағы сыйлығының лауреаты атанды.

Газетіміздің Алматы қа­ла­­сындағы меншікті тіл­ші­лерінің бірі Арман Ок­тябрь Алматы қаласы әкім­­дігі Қо­ғамдық даму бас­қар­масы мен Өңірлік Ком­­­му­ни­­кациялар қызметі БАҚ өкіл­дері арасында ұйым­дас­тырған Алматының дамуын насихаттаған үздік жур­налистер байқауының «Үз­дік журналист-сарапшы» ата­лы­мының жеңімпазы атанды.

Алматы облысындағы мен­­­шікті тілшіміз Ұлбо­сын Исабек пен Жамбыл об­лы­сындағы меншікті тілшіміз Табиғат Мұсылманқұл облыс әкімінің Құрмет грамотасымен марапатталып, сый-сияпатқа ие болды.