Қоғамдық қауіпсіздікті қамтамасыз ету және құқық бұзушылықтың алдын алуда жергілікті бюджет есебінен бірқатар жобаларды жүзеге асыру жоспарланып отыр. Бастама аясында 1400 бейнебақылау камерасы, 20 «Зияткерлік қиылыс» және 58 стационарлық жылдамдық өлшегіш, жасанды интеллектке негізделген бейнеаналитикалық жүйе орнатылады.
Қазіргі уақытта жедел басқару орталығының ғимаратына күрделі жөндеу жүргізіліп, толық жаңартылған. Орталықтың басқару залына бейнеқабырға, операторларға арналған 15 автоматтандырылған жұмыс орны мен жаңа жиһаздар қойылған. Мұнан бөлек, заманауи құрал-жабдықтармен толықтырылып, бейнеконференц байланыс жүйесі іске қосылды.
Қызылорда облысында республикада алғашқы болып барлық аудандық полиция бөлімдерінде жедел басқару орталықтары ашылды. Бұл жүзеге асыру үшін 4 млрд 550 млн теңгеге бюджеттік өтінім жолданып, оның 1 млрд 382 млн теңгесі жергілікті бюджеттен бөлінді.
