Солтүстік Қазақстанда басшы тағайындалды

ПЕТРОПАВЛ. 23 маусым. Аймақ басшысы Ерiк Сұлтановтың өкiмiмен облысы әкiмi аппараты басшысының орынбасары болып Руслан Әкімжанұлы Аңбаев тағайындалды. Бұл туралы облыстық әкімдіктің баспасөз қызметі хабарлады. Руслан Аңбаев 1978 жылы Солтүстiк Қазақстан облысы Тимирязев ауданы Целинное ауылында туған. М.Қозыбаев атындағы Солтүстiк Қазақстан мемлекеттiк университетiн бітіріп, экономист-менеджер, құқықтану бакалавры мамандықтарын алып шыққан. Еңбек жолын 1999 жылы Тимирязев аудандық салық басқармасында аға салық инспекторы болып бастаған. 2002–2008 жылдарыбас салық инспекторы, жанама салық аудитi, ұйымдастырушылық-құқықтық жұмыс пен салық өндiрiп алу бөлiмдерінің жетекшісі, аудандық салық басқармасы төрағасының орынбасары қызметтерiн атқарған. 2008 –2015 жылдар аралығында Есiл, Тайынша аудандарының салық басқармасына басшылық еткен. Осы тағайындауға дейiн облыс әкiмi аппаратында жұмылдыруға дайындық, лаңкестiктің оның алдын алу бөлiмiнде бас маман болған. Өмір Есқали. Дерек, сурет: Солтүстік Қазақстан облыстық әкімдігінің баспасөз қызметі.