«Алғашқы барлау жұмысы 1961 жылы жүргізілді. Ол кезде 1 тонна мұнай алынған. Мынау колбадағы мұнай сол кезде құйылып алынды. Одан кейін 2013 жылы «Энергоресурс» серіктестігі Новонежин аумағында барлау жасап, жер қойнауындағы «қара алтын» қорының қанша тереңдікте жатқанын анықтады. Мұнайдың ауданын нақтылады. Мысалы, мына банктегі мұнай 550-600 метр тереңдіктен алынған. Алайда біздің мұнай өте тереңде жатыр. Оған жету үшін 2 шақырымға дейін ұңғы жіберу керек болады. Бұған шығын көп кететіндіктен, өнімнің өзіндік құны да қымбатқа шығады», дейді музей меңгерушісі Вера Едігенова.
Геолог-мамандардың айтуынша, Әулиекөл мұнай кенінің аумағы шамамен 1 254 шаршы километр болады. Жерасты қабатындағы 2500 метр мен 3600 метр тереңдіктің аралығын мол мұнай қоры алып жатыр.
Осы орайда, Торғай өңірінде де мол мұнай қоры жатқанын айта кеткен жөн. Осыдан екі ай бұрын облыс әкімдігінде өткен жиында «North Oil» серіктестігінің басшысы Бейбіт Әбибуллаев қыркүйекте Жангелдин ауданындағы Жыланшық өзенінің маңайында геологиялық барлау жұмысын бастайтынын айтқан. Барлау жұмысы бір жылға созылады. Егер Жыланшықта коммерциялық мұнай мен газ қоры бар екені анықталып, ол мемлекеттік қор балансына енсе, тек төрт түлікпен ғана күн көріп отырған Торғай халқының да жағдайы жақсара түсер ме еді. Алайда мұнай, қазірше, музейде ғана тұр.
Қостанай облысы
