Фото: Үкіметтің баспасөз қызметі
Бұл нысан Мемлекет басшысының ауылдық жерлердегі инфрақұрылымды дамыту жөніндегі тапсырмасын жүзеге асыру шеңберінде салынған.
Медициналық пунктте дәрігерге дейінгі тексеру, қарау және емдік кабинеттер жұмыс істейді. Бұл Шет ауданында қайтарылған активтер есебінен жүзеге асырылып жатқан жалғыз жоба емес. Қазіргі таңда Жыланды ауылында да жаңа медициналық пункттің құрылысы жүріп жатыр.
Үкіметтің баспасөз қызметінің хабарлауынша, Қарағанды облысында Арнаулы мемлекеттік қордан бөлінген қаражатқа жоспарланған 51 медициналық нысанның 24-і тұрғызылып, 11-і пайдалануға берілген. Қалған 27 нысанның құрылысы жалғасуда, олардың биыл қыркүйек айының соңына дейін тапсыруы жоспарланған.
Жаңа медициналық нысандар ашу Президент Қасым-Жомарт Тоқаевтың бастамасымен қабылданған «Ауылда денсаулық сақтауды жаңғырту» ұлттық жобасы аясында жүргізіліп жатыр. Бүгінгі күнге дейін жоспарланған 655 жобаның 540-ы толық іске асқан.
