Фото: Tengrinews.kz/Алихан Сариев
Ресми статистика бойынша, тамызда Алматы қаласында 20,7 мың көлік тіркелген. Бұл Қазақстандағы ең жоғарғы көрсеткіш. Екінші орында - Алматы облысы тұр. Бұл аймақта 15,6 мың көлік есепке қойылған. Үшінші көлігі көп қала - Астана. Елорда 14,5 мың машина тіркеуден өткен.
Тамызда есепке қойылған көліктердің 59,7 %-ның жолда жүйіткіп жүргеніне 10 жылдан аса уақыт өткен. Қозғалтқыш көлемі бойынша басым бөлігі (36,3%) 1 500-2 000 см³ аралығында екені анықталған.
Ал 1 қыркүйектегі жағдай бойынша елдегі жаппай тіркелген автокөлік саны - 6 786,9 мың. Бір жылда 21,6 % мөлшерінде өсім байқалып отыр.
Жалпы жиынтық бойынша да Алматы қаласында көлік көп - 797,2 мың. Алматы облысында 723,9 мың машина тіркелген.
Автокөліктердің 91,9 %-ы жеке меншікте, қалғаны заңды тұлғалардың атына тіркелген.
