Ең көп жағдай елордада анықталды, 6 заңсыз ферма жұмыс істеп келген. Шымкент пен Қостанайда да үш-үштен дерек тіркелген. Тергеу барысында шамамен 642 мың доллар көлеміндегі цифрлық актив тәркіленді.
Кейбір майнинг фермалары электр энергиясын заңсыз пайдаланып келген. Мұндай 5 ферма тұтынған энергия көлемі бүтін бір қаланың шығынымен тең болып шықты. Оның үстіне фермалар орналасқан аудандарда тұрғындардың тыныштығына да нұқсан келген.
Айта кетейік, кейінгі үш жылда майнинг саласынан бюджетке 17 млрд теңгеден астам қаржы түскен. Бұл көрсеткіш саланы заңды жолға қойып, реттеудің маңызын көрсетіп отыр.
