Фото: Ellington туристік ауданы макеті/ Үкіметтің баспасөз қызметі
«Қалада ең үлкен сауда ойын-сауық орталығы салынып жатыр. Ол жерде аквапарк болады. Құрылысы 2-3 жылда аяқталады деп жоспарланған. Шетелдік компания өз қаражатына салып жатыр, бюджеттен ақша бөлінбеген. Әкімдік тарапынан су және кәріз инфрақұрылымын тарту бойынша көмек көрсетіледі», деді ол.
Бұған дейін Астана әкімдігі мен «Ellington Group KAZ» Ltd компаниясы арасында көпфункционалды туристік аудан құру туралы инвестициялық жобаға байланысты меморандумға қол қойылған. Жобаның жалпы құны шамамен 1 млрд долларды құрайды.
Үкіметтің мәліметінше, кешеннің жалпы аумағы 2,6 млн шаршы метр, ал қосымша құрылыс аймағы 333 гектарды қамтиды. Мұнда аумағы 15 мың шаршы метр болатын аквапарк, ойын, демалыс аймақтары, саябақтар, террасалар, кеңсе және коммерциялық нысандар, қонақүйлер, әлеуметтік және тұрғын үйлер салу көзделген.
