Фото: pinterest.com
Барлық жаңа нысандар заманауи стандарттарға сай салынып, клиникалық-диагностикалық орталықтармен жабдықталады. Бұл медициналық қызметтердің әр тұрғынға қадамдық қолжетімді болуын қамтамасыз етпек.
Қазірдің өзінде қалада 8 жаңа медициналық нысанның құрылысы жүріп жатыр.
Сонымен қатар, үш нысанда сейсмикалық күшейту, қайта жаңарту жұмыстары жүріп жатыр. Оларды биылғы жылдың соңына дейін аяқтау жоспарланған.
Келесі жылы тағы 30 нысанның құрылысы басталады. Олардың жобалық-сметалық құжаттамасы әзірленген.
«Мақсатымыз – әрбір тұрғын өз үйінің жанында сапалы медициналық көмек ала алатындай жағдай жасау. Барлық жобалар қолайлылық пен заманауи қызмет көрсетуге бағытталған», дейді қала әкімінің орынбасары Бейбіт Шаханов.
