Полиция қызметкерлері тәулік бойы нақты уақыт режимінде болып жатқан оқиғаларға мониторинг жүргізеді. Бұл оқиғаларға жедел ден қоюға және қоғамдық қауіпсіздікті арттыруға мүмкіндік береді.
Бөлімшенің ашылуына Қарағанды облысы полиция департаменті бастығының орынбасары Жанат Какажанов пен Осакаров ауданының әкімі Руслан Нұрмұханбетов қатысты.
Жақын арада жүйені кеңейту және адамдар көп жиналатын жерлерде жасанды интеллект элементтері бар зияткерлік камераларды орнату жоспарлануда.
Осакаровка тұрғындары жаңашылдықты оң бағалады.
