Жерлестеріміз мына спорт түрлері бойынша медаль еншіледі: дзюдо – 14 (4 алтын+5 күміс+2 қола), бокс – 10 (5+3+2 қола), жеңіл атлетика – 10 (1+2+7), джиу-джитсу – 10 (1+5+4), ауыр атлетика 9 (3+4+2), аралас жекпе-жек – 9 (2+3+4), күрес түрлері – 9 (1+2+6), таеквондо 5 (2+2+1), муай-тай – 5 (1+0+4), жүзу – 4 (1+1+2), велоспорт 3 (2+1+0), жағажай волейболы – 2 (1+0+1), триатлон – 1 (0+1+0), гандбол – 1 (0+0+1), пенчак силат – 1 (0+0+1).
Жалпы есепте Қытай құрамасы алдына жан салмады – 147 (63+49+35). Екінші орында – Өзбекстан (37+16+28). Алғашқы бестікті Иран 76 (22+18+36) мен Таиланд 48 (15+15+18) түйіндеді. Сондай-ақ Үндістан 78 (13+18+17), Гонконг 36 (13+13+10), БАӘ 31 (12+9+10), Солтүстік Корея 15 (8+5+2), Тайпей 40 (7+9+24) ТОП-10 команданың қатарына қосылды. Жарыста барлығы 31 мемлекеттің әнұраны шырқалып, 39 елдің туы биікте желбіреді.
Осыған дейін жасөспірімдер арасындағы Азия ойындарының алауы екі рет тұтанды. Еліміздің құрамасы 2009 жылы Сингапурде 14 (4+6+4) жүлде жеңіп алып, жалпыкомандалық есепте 8-сатыға жайғасты. 2013 жылы Нанжинде (Қытай) 13 (1+4+8) медаль олжалап, 13-орынды қанағат тұтты. Бұл жолы құраманың 93 жас өрені жеңіс тұғырына көтеріліп, үздік үш команданың қатарынан көрінді.
