Сурет: gov.kz
- Аустрияның Хинтертукс қаласында фристайл-могулдан өткен «FIS Moguls Alps Tour» деп аталатын дәстүрлі турнирде еліміздің құрамасы алты жүлде олжалады. Юлия Галышева, Павел Колмаков, Анастасия Городко, Фёдор Бугаков алтын алса, Юлия Фиклистова мен Анастасия Городко күміспен күптелді.
- Швейцарияның Ньон қаласында футзалдан УЕФА Чемпиондар лигасының жеребесі тартылды. Плей-оффтың 1/8 сайысында Алматының «Қайраты» Бельгияның «Спортинг-Андерлехт» клубына қарсы ойнаса, «Семей» Польшаның «Пяст Гливицемен» күш сынасады. Алғашқы матчтар 24 қарашада өтсе, қарымта кездесулер 5 желтоқсанда ұйымдастырылады. Осы межеден сүрінбеген сегіз команда келесі жылы ширек финалда (23 ақпан, 6 наурыз) өзара шеберлік байқасады. Одан кейін Италияның Пезаро қаласында жартылай финал мен финалдық сайыстар (8, 10 мамыр) өтеді.
