Парламент 2026-2028 жылдарға арналған республикалық бюджетті бекітті. Құжатта түрлі есептеулер мен әлеуметтік төлемдер үшін қажет негізгі параметрлер белгіленген.
2026 жылға арналған басты көрсеткіштер:
- АЕК – 4 325 теңге (2025 жылы – 3 932 теңге).
- Ең төменгі жалақы – 85 000 теңге (өзгеріссіз).
- Төменгі зейнетақы – 69 049 теңге (2025 жылы – 62 771 теңге).
- Мемлекеттік базалық зейнетақы төлемінің ең төменгі мөлшері – 35 596 теңге (2025 жылы – 32 360 теңге).
- Ең төменгі күнкөріс деңгейі – 50 851 теңге (2025 жылы – 46 228 теңге).
АЕК – мемлекет айыппұлдар, әлеуметтік төлемдер, жәрдемақылар, салықтар мен түрлі жеңілдіктерді есептеу үшін қолданатын бірыңғай көрсеткіш. Бұл жүйе барлық төлемдер мен санкцияларды әр жолы қайта есептемей, бір базаға байлауға мүмкіндік береді.
Баға өсімі мен өмір сүру құнының жоғарылауына байланысты АЕК те жыл сайын индексацияланады. Бұл айыппұлдар мен төлемдердің құнсызданбауына, инфляцияға бейімделуіне көмектеседі.
