Бұл жәдігерді аталған музейге Мұстафа Шоқайдың туысы Гүлбаршын Заирова берген. Жәдігердің тарихы тереңде. Ұзақ жылдар бойы отбасылық фото-альбом Мұстафа Шоқайдың көмегімен тұтқыннан аман қалып, Мария Шоқайдың рухани перзенті болған белгілі скрипкашы Әлім Алматтың (Ғалымжан Әбсәлямов) қолында сақталып келген. Кейіннен ол бұл мұраны мұстафатанушы Бақыт Садықоваға аманаттаған, ал зерттеуші өз кезегінде жәдігерді Гүлбаршын Заироваға тапсырған екен.
«Бұл жәдігер соғыс жылдары тұтқында болып, Мұстафа Шоқайдың арқасында аман қалған, Мариям анамызды соғыстан соң паналап, рухани перзентіне айналған скрипкашы Әлім Алматтың (Ғалымжан Тілеуқабыл) қолында көп жылдар сақталған. Еліміз Тәуелсіздік алғаннан кейін Әлім Алмат елге келіп, Мұстафаның жазу машинкасын, «Яш Түркістан» газеті тұсында қолданған үш түрлі мөрін, үйлену портреті мен альбомды мұстафатанушы Бақыт Садықова апамызға аманаттаған. 2022 жылы осы альбом маған сеніп тапсырылды. Ал 2025 жылдың 25 желтоқсанында, Мұстафа Шоқайдың 135 жылдығында, Астана қаласындағы Ұлттық музейде өз орнын тапты. Тарихқа құрмет – болашаққа аманат», деп жазды Гүлбаршын Заирова.
