- Өскеменде волейболдан Қазақстан суперкубогінің иегері анықталды. Бас жүлде үшін тартыс ел чемпионы Талдықорғанның «Жетісуы» мен кубок иегері Түркістанның «Тұраны» арасында өрбіді. Бұл бәсеке 3:0 (25:22, 25:22, 25:17) есебімен аяқталды. Сөйтіп, «Жетісу» өз тарихында бесінші рет суперкубок олжалады.
- Шайбалы хоккейден еліміздің жастар құрамасы мен Астананың «Барыс» клубының шабуылшысы Семён Симонов №81 болып Ұлттық хоккей лигасының (ҰХЛ) кеңейтілген драфына ілікті. Былтыр ол елордалық команданың сапында 42 рет мұз айдынына шығып, 15 (9 гол+6 пас) ұпай жиды. Егер әлемдегі ең үздік лигадағы клубтардың бірі Симоновты өз қатарына қабылдаса, 20 жастағы дарынды ойыншыға бұл ерекше мәртебе болары сөзсіз.
