Фото: pinterest.com
Энергетика министрлігі мәлім еткендей, жоспарлы әрі кешенді жөндеу жұмыстары энергия нысандарының техникалық әлеуетін арттырып, апат қаупін азайтуға мүмкіндік береді. Соның нәтижесінде жылу электр орталықтарының тозу деңгейі 61 пайыздан 59 пайызға дейін төмендейді. Сонымен бірге стансаларды жоғары қауіп аймағынан кезең-кезеңімен шығару көзделген.
Айта кетейік, энергетика саласын жаңғыртуға арналған Ұлттық жоба екінші жыл қатарынан іске асып жатыр. Бес жылға жоспарланған бұл бағдарлама инженерлік инфрақұрылымды кең ауқымда жаңартуды мақсат етеді. Жоба аясында ел бойынша 1,6 мың шақырым жылу желісі және 78 мың шақырым электр желісі қайта жаңғыртылады.
Министрлік дерегіне сүйенсек, аталған жұмыстар 2029 жылға қарай жылу желілерінің тозуын 52 пайыздан 42 пайызға, ал электр желілерінің ескіруін 74 пайыздан 45 пайызға дейін азайтуға жол ашады. Бұл көрсеткіштер энергетикалық жүйенің сенімділігін едәуір күшейтпек.
Депутат: Стратегиялық маңызы бар энергетикалық жобалар іс жүзінде жүзеге аспаған
Жалпы қолға алынған жаңғырту шаралары экономиканың және халықтың өсіп келе жатқан сұранысын үздіксіз қамтамасыз ете алатын орнықты отын-энергетика кешенін қалыптастыруға бағытталған.
