Фото: «ҚазМұнайГаз» ҰК АҚ
Ол соңғы бес жылда жүргізілген жүйелі жұмыстардың нәтижесінде компания бірқатар көрсеткіштердің тұрақты төмендеуіне қол жеткізгенін атап өтті:
- өндірістік жарақат 34%-ға төмендеген;
- жол-көлік оқиғаларының саны 73%-ға қысқарған;
- 2023 жылдан бастап өрт оқиғасы тіркелмеген.
«ҚМГ-да жазатайым оқиғалардың шамамен үштен бірі жоғары қауіпті жұмыстармен, сондай-ақ ұңғымаларды күрделі және жерасты жөндеу кезіндегі түсіру-көтеру операцияларымен байланысты. Осы бағыттағы жарақаттануды азайту үшін 2025 жылы 60 бригадада ҚМГ-ның өзінің әзірлемесі – TUMAR компьютерлік көру жүйесі енгізілді», деді Құрманғазы Есқазиев.
Аталған жүйе жасанды интеллектіні (ЖИ) қолдана отырып, нақты уақыт режимінде келесідей жағдайларды анықтап, ескертуге мүмкіндік беретіні атап өтілді:
- жеке қорғаныс құралдарының болмауы;
- қызметкерлердің қауіпті аймақтарда жүруі;
- жұмыстарды қауіпті жағдайларда орындау.
Енді қауіпті өндіріс орындары мен шахталарды жасанды интеллект бақылайды
2027 жылдың соңына дейін TUMAR жүйесімен 242 бригаданы жарақтандыру жоспарланып отыр, бұл 100% қамтуды білдіреді.
Сондай-ақ ҚМГ-ның барлық еншілес компанияларында қауіпті еңбек жағдайларын анықтау және жою үшін «Қорғау» (Safety Card) жүйесі жұмыс істейді. Қызметкерлер QR кодын сканерлеу арқылы тәуекелдер туралы жедел есеп бере алады.
Қызметкерлердің денсаулық жағдайын бақылау үшін ірі ұйымдарда ауысым алдындағы медициналық тексерулердің (ЭСМО) электрондық жүйесі енгізілді. Жүйе емтихан уақытын 2 минутқа дейін қысқартады және адами факторды азайтады.
Былтыр маусым айында Цифрлық даму, инновациялар және аэроғарыш өнеркәсібі министрі Жаслан Мәдиев жасанды интеллект қауіпсіз әрі интеллектуалды еңбекке жол ашатынын туралы айтқан еді.
