Елшімен екіжақты әңгіме

Мәжіліс Төрағасы Қабиболла Жақыпов Грузияның Қазақстандағы Төтенше және өкілетті елшісі Зураб Патарадзені қабылдады, деп хабарлады осы палатаның баспасөз қызметі. Кездесу барысында тараптар сауда-экономикалық, көлік­­тік-логистикалық, мәде­ни-гу­­манитарлық сала­лар­да­ғы Қазақ­стан-Грузия ынтымақ­тас­тығының өзекті мәселелерін талқылады. Зураб Патарадзенің атап өткеніндей, Қазақстан Грузияның ең ірі инвесторларының бірі. Атал­ған елде 100-ге жуық қазақстандық компаниялар тіркелген. Қ. Жақыпов пен З. Патарадзе өзара іс-қимыл басымдықтары туралы сөз еткенде, Қазақстан Пре­зидентінің 5 институттық реформасын жүзеге асырудың маңыздылығына тоқталды. Атап айтқанда, Азиядан Еуропаға ке­дергісіз жүк тасымалын жүзеге асыруға мүмкіндік беретін «Еуразиялық трансқұрлықтық дәліз» жобасына Қазақстан мен Грузияның қатысуы төңірегінде әңгіме қозғалды. Кездесу иелері екіжақ­ты парламентаралық ынтымақ­тас­тықты нығайту мәселелерін де назардан тыс қалдырмай, екі ел парламенттерінде жұмыс істейтін бейінді комитеттер мен достық топтары арқылы қарым-қатынасты нығайта түсу керектігін алға тартты.