1,5 миллион еуроға келісімшарт жасалды

Алматыда ІІ орталықазиялық «Нанөнімдері-2016» форумы аяқталып, Орталық Азияның 200-ге тарта кәсіпорны қатысқан жиында құрал-жабдықтармен қамтамасыз ету, қоспалар мен қызмет түрлерін көрсету жөнінде 1,5 миллион еуроның келісімшарты жасалды. Форумға кондитерлік, нан өнімдерін пісіретін құрал-жабдықтар мен оның қоспаларын дайындайтын Revent (Швеция), Miwe (Германия), Diosna (Германия), Восход (Ресей), ШМЗ ( Шебекинский машиностроительный завод, Ресей), Jac (Бельгия), Rondo (Швейцария), Wachtel (Германия), Aichinger (Германия), Ireks (Германия), KenFood (Греция), Gostol (Сло­­вения), Маслодел (Қазақстан), ModernBakery (Қазақстан), JAF Partners (Қазақстан) сияқты отандық және әлемдік ірі ойыншылар қатысты. «Дағдарыс жағдайында Ор­талық Азияда нан-бөлке және кондитер өнімдерін өндіруді дамыту» атты биылғы форум аясында нан-бөлке және кондитер өнімдерін өндіруді жаңғырту мен компанияның өндірістік қуатын арттыруда шетелдік инвесторларды тарту, жаңа жұмыс орындарын ашу, өнім сапасын арттыру, мемлекет тарапынан әлеуметтік қолдаудың арқасында кіші және орта бизнесті дамыту, ірі кәсіпорындарды жаңғырту мәселелері талқыланды. Форумға Қырғызстанның, Өзбекстан мен Тәжікстанның, Ре­сей мен Белоруссияның, Евро­одаққа мүше елдердің нан-бөлке, кондитер, ұн шығарумен айна­лысатын кәсіпорындары, қо­ғамдық тамақтану орын­дары­ның, бақылау-қадағалау орын­дарының, жергілікті мемлекеттік органдар өкілдері қатысты. Айнаш ЕСАЛИ, «Егемен Қазақстан».