Андрей Аршавин «Қайрат» командасының ойыншысы атанды

АСТАНА. 18 наурыз. Алматының «Қайрат» командасы белгілі футболшы Андрей Аршавинмен келісімшартқа отырды. Бұл туралы клубтың баспасөз қызметіне сілтеме жасаған egemen.kz тілшісі хабарлады. «Қайрат» Ресей елінің ойыншысымен 1+1 жүйесі бойынша келісімге келді. Ол 28 нөмірде өнер көрсететін болады. Андрей Аршавин мансабын Санк-Петербуртің «Зенит» командасынан бастаған. 2008 жылы осы команданың сапында жүріп УЕФА Суперкубогында жеңіске жетті. Сондай-ақ, сол жылы Еуропа чемпионатының қола жүлдегері атанды. Араға бір жыл салып, 2009 жылы Англияның «Арсенал» клубымен келісімшартқа отырады. Бұл командада 100-ден астам матч өткізеді. Осыдан соң, 2013 жылы «Зенитке» қайта оралады. Ал 2015 жылы «Кубаньға» ауысып, 2016 жылдың ақпан айына дейін өнер көрсетті. Аян Әбдуәли. Дерек, сурет: «Қайрат» футбол клубының баспасөз қызметі.